| Intro | Member of Parliament, Kenya |
| Is | Politician |
| From | Kenya |
| Type | Politics |
| Gender | male |
| Birth | 18 January 1965, Jagatsinghpur district, India |
| Age: | 55 years |
| Star sign | Capricorn |
https://or.wikipedia.org/wiki/Swaroop_Ranjan_Mishra
ସ୍ୱରୂପ ରଞ୍ଜନ ମିଶ୍ର, ପୂର୍ବ ଆଫ୍ରିକୀୟ ଦେଶ କେନିଆର ରାଜଧାନୀ ନାଇରୋବିରେ ରହୁଥିବା ଜଣେ ଓଡ଼ିଆ ଡାକ୍ତର । ୨୦୧୭ ମସିହାରେ ସେ କେନିଆର ସଂସଦକୁ ଜଣେ ସାଂସଦ ଭାବରେ ନିର୍ବାଚିତ ହୋଇଛନ୍ତି । ସେ ଓଡ଼ିଶାର ଜଗତସିଂହପୁର ଜିଲ୍ଲାର ମୂଳ ବାସିନ୍ଦା ।
ବାଲ୍ୟଜୀବନ ଓ ଶିକ୍ଷା
ସ୍ୱରୂପ ରଞ୍ଜନ, ଜଗତସିଂହପୁର ଜିଲ୍ଲାର ଏରସମା ବ୍ଲକ ଅନ୍ତର୍ଗତ ପଞ୍ଚପାଲି ଗ୍ରାମରେ ଜନ୍ମଗ୍ରହଣ କରିଥିଲେ । ତାଙ୍କ ପିତାଙ୍କ ନାମ ଧିରେନ୍ଦ୍ରନାଥ ମିଶ୍ର । ସ୍ୱରୂପ ନିଜ ପ୍ରାଥମିକ ଶିକ୍ଷା ଗ୍ରାମ ବିଦ୍ୟାଳୟରୁ ଓ ହାଇସ୍କୁଲ ଶିକ୍ଷା କଟକର ରେଭେନ୍ସା କଲିଜିଏଟ ସ୍କୁଲରୁ ହାସଲ କରିଥିଲେ । ୧୯୯୧ ମସିହାରେ ବ୍ରହ୍ମପୁରର ମହାରାଜା କୃଷ୍ଣ ଚନ୍ଦ୍ର ଗଜପତି ଭେଷଜ ମହାବିଦ୍ୟାଳୟରୁ ସେ ଡାକ୍ତରୀ ପାଠ ସାରିଥିଲେ । ୧୯୯୪ ମସିହାରେ ସେ ରାଜସ୍ଥାନ ବିଶ୍ୱବିଦ୍ୟାଳୟରୁ ସ୍ନାତକୋତ୍ତର ଓ ୨୦୦୨ ମସିହାରେ ଜର୍ମାନୀରୁ ଡିଏମ୍ ଡିଗ୍ରୀ ହାସଲ କରିଥିଲେ ।
କର୍ମଜୀବନ
୧୯୯୫ ମସିହାରୁ ସ୍ୱରୂପ ମୁମ୍ବାଇର ହିନ୍ଦୁଜା ହାସପତାଲରେ କାମ କରିବା ଆରମ୍ଭ କରିଥିଲେ । ୧୯୯୭ ମସିହାରେ ସ୍ୱରୂପ ନିଜ ଡାକ୍ତର ପତ୍ନୀ ପଲ୍ଲବୀଙ୍କ ସହ କେନିଆ ଚାଲିଯାଇଥିଲେ ଓ ସେଠାର ନାଗରିକତ୍ୱ ହାସଲ କରିଥିଲେ । ବହୁବର୍ଷ ପର୍ଯ୍ୟନ୍ତ ଡାକ୍ତରୀ ପାଠ ଶିକ୍ଷାଦାନ କରିବା ପରେ, ୨୦୦୪ ମସିହାରେ “ମେଡ଼ିହିଲ ହସପିଟାଲ” ପ୍ରତିଷ୍ଠା କରିଥିଲେ । ବର୍ତ୍ତମାନ ସେ “ମୋଇ ୟୁନିଭର୍ସିଟି କଲେଜ୍ ଅଫ୍ ମେଡ଼ିସିନ୍”ରେ ଅଧ୍ୟକ୍ଷ ଭାବରେ ଅବସ୍ଥାପିତ ।
ସମାଜସେବା ଓ ରାଜନୀତି
କେନିଆରେ ନିଜ ଅବସ୍ଥାନ ଆରମ୍ଭରୁ ସ୍ୱରୂପ ରଞ୍ଜନ ସମାଜସେବାରେ ନିଜକୁ ନିୟୋଜିତ କରିଆସିଛନ୍ତି । ଇତିମଧ୍ୟରେ ସେ ନିଜ ମେଡ଼ିହିଲ ହସପିଟାଲର ୪ଟି ଶାଖା ଖୋଲି ସାରିଛନ୍ତି । ତାଙ୍କ ଉଦ୍ୟମରେ ୫ଟି ପ୍ରାଥମିକ ଓ ୪ଟି ଉଚ୍ଚବିଦ୍ୟାଳୟ ପ୍ରତିଷ୍ଠା ହୋଇସାରିଛି । ୨୦୧୭ ମସିହାରେ ସେ “କେସେସ୍” ନିର୍ବାଚନ ମଣ୍ଡଳୀରୁ “ଜୁବୁଲି ପାର୍ଟିର” ପାର୍ଥୀ ଭାବରେ ନିର୍ବାଚନ ଜିତି, କେନିଆ ସଂସଦ “କେନିଆ ନେସନାଲା ଆସେମ୍ବ୍ଲି”କୁ ନିର୍ବାଚିତ ହୋଇଛନ୍ତି ।
ଉପାଧୀ
କେନିଆର ଜନସାଧାରଣା ସ୍ୱରୂପଙ୍କୁ କିପ୍ରୁପ(Kiprop arap Chelule) ଉପାଧୀରେ ଭୂଷିତ କରିଛନ୍ତି । କିପ୍ରୁପ(Kiprop)ର ଅର୍ଥ ବର୍ଷା ସମୟରେ ଜନ୍ମିଥିବା ବ୍ୟକ୍ତି । ଚେଲୁଲେ(Chelule) ଅର୍ଥ ବାହାରୁ ଆସି ନିଜର ହୋଇଯାଇଥିବା ବ୍ୟକ୍ତି ।