Hamdi Ghayth’s biography, fact, career, awards, net worth and life story

محمود حمدى الحسينى غيث ، اسم شهرته حمدى غيث ( كفر شللمون ، منيا القمح ، الشرقيه ، 7 يناير 1924 – القاهره ، 7 مارس 2006 ) ممثل و مخرج مسرحى مصرى كبير و رائد من رواد العصر الدهبى فى المسرح المصرى فى الستينيات كممثل و مخرج.

اتولد حمدى غيث فى كفر شلشلمون التابع لمنيا القمح فى محافظة الشرقية سنة 1924 ، درس فى كلية الحقوق فى جامعة القاهره و درس فى معهد المثيل و اتخرج منه سنة 1947 و كان اول دفعته. سافر باريس كذا مره عشان يدرس فن المسرح.

اشتغل حمدى غيث استاذ فى اكايمية الفنون و فى معهد التمثيل ، و اشتغل مخرج و ممثل فى فرقة المسرح الحديث ، و ممثل فى الاذاعه ، و مخرج فى مسارح التلفزيون ، و مشرف ع المسرح الحديث ، و مدير للمسرح القومى ، و مدير للادارات الثقافيه و المهرجانات ، و وكيل وزارة لشؤون الثقافة الجماهيرية و لعب دور كبير وقتها فى انشأ مسرح الاقاليم ، و اتولى منصب نقيب الممثلين لكذا دوره.وهو اخو الفنان عبدالله غيث

بدايته فى السينما المصريه كانت دوره فى فيلم ” صراع فى الوادى ” سنة 1945 ، و مع ان ادواره فى السينما كانت قليله لكن كانت ادوار كبيره و متميزه. خبرته الطويله فى المسرح ادته قدره على تأدية ادوار الشخصيات التاريخيه فلعب بنجاح دور ريتشارد قلب الأسد فى فيلم الناصر صلاح الدين اللى اخرجه يوسف شاهين ، و مثل فى فيلم الرساله. و من اشهر الافلام اللى مثل فيها افلام ” بنت الليل ” و ” صراع العشاق ” (1981) و ” الحكم اخر الجلسه ” (1985) و ” اسماعيلية رايح جاى ” (1997).

شارك كمان تمثليات تلفزيونيه كان منه ” المال و البنون ” و ” الفرسان ” و كان ليه ادوار مميزه فى ” ذئاب الجبل ” و ” زيزينيا “.

وهو اخو الفنان عبدالله غيث.

فى المسرح اخرج كذا مسرحيه كان منها ” مأساة جميلة ” و ” ارض النفاق “.

اتوفى حمدى غيث فى 7 مارس 2006 فى مستشفى عين شمس التخصصى فى القاهره و اندفن فى قريته كفر شلشمون فى الشرقيه.